The Next Me? … a STUDENT!

Matapos ang napakatagal na panahon na paghinto sa pag-aaral. Matapos ang napakahabang mga pila. Matapos ang walang katapusang pabalik-balik sa dalawang branches ng Universidad de Manila. Matapos tumagaktak ang banye-banyerang pawis.

Eto na. Officially… Estudyante na ako.

Pasukan na lang ang kulang. Hindi na ako makapaghintay. Malapit na malapit na. June 8, 2009

Finally!

Sa WAKAS…

Nakapasa na ako sa admission exam sa UDM. In fairness kinabahan ako dun ah! pero THANK GOD nakapasa na nga ako.

“Punta ka na sa UDM, nakita ko na pangalan mo!” ang sabi sakin ng kaibigan kong si Manny – na isang city hall employee.

Kinabukasan, isinama ko si Tintin kasi sabay din naman kami nagpalista at nag-exam kaya sabay na rin naming titingnan ang resulta ng exam. Hindi nga ako jino-joke ni Manny, pareho kaming nakapasa ni Tintin. Pumasok kaagad kami sa lobby ng UDM.

Namili kami ng course na kukunin, ang top 3 courses na napili ko eh:

*Bachelor of Science in Computer Engineering
*Bachelor of Science in Business Administration
*Bachelor of Science in Industrial Technology

Pagkatapos namin sa UDM eh dumiretso kami sa SM Manila. naglakad-lakad, tumingin-tingin sa mga cellphones, saka kami dumiretso sa Quantum sa 3rd Floor. Nainggit kami sa mga kumakanta sa stage – nagpraktis muna kami sa Videoke cubicle saka kami kumanta sa Center Stage. Tinext din namin si Mar, sakto me lakad ata siya malapit sa SM Manila, maya-maya dumating siya, nagkayayaan kaming uminom sa malapit na Videoke Bar. Nauna na nga lang umuwi si Mar at iniwan kami ni Tintin.

Pagkatapos namin eh umuwi na kami. kung saan ako nangulit.